Ríkislögreglustjóri í samráði við lögreglustjórann á Norðurlandi eystra hafa ákveðið að fara af óvissustigi Almannavarna sem sett var á 23.ágúst sl. Óvissustigið var sett á vegna mikillar rigningar og skriðuhættu því samfara á Tröllaskaga.
Nú hefur stytt upp og hið ágætasta veður komið á svæðinu og birt til. Fulltrúar Veðurstofunnar hafa verið á svæðinu í dag og skoðað aðstæður. Mat þeirra er að hætta á aurskriðum hafi minnkað verulega og nánast engin úrkoma í vændum næstu daga og því ekki talin þörf á að vera á óvissustigi lengur.
- Siglufjarðarvegur verður áfram lokaður frá Siglufirði og að Ketilási.
- Vegagerðin er nú að vinna að hreinsun vegarins sem og að gera viðeigandi lagfæringar á honum.
- Vegagerðin mun upplýsa frekar um það þegar vegurinn verður opnaður.