ELDGOS Í EYJAFJALLAJÖKLI   
19.5.2010

Eyjafjallajökull - Flóð í Svaðbælisá

Fréttatilkynning kl. 15.00
Í morgun kom  eðjuflóð vatns og ösku  niður Svaðbælisána og fór yfir varnargarða við Þorvaldseyri.  Flóðið stóð fram eftir morgni en hafði sjatnað mjög upp úr hádegi.   Sjónarvottar sögðu flóðið hafa verið líkast fljótandi steypu. 
Flóðið er til komið  vegna yfirborðsösku  úr hlíðum Eyjafjallajökuls.   Skyggni til jökulsins hefur hefur ekkert verið en á ratsjármyndum  sem flugvél Landhelgisgæslunnar TF- Sif  tók á flugi yfir jökulinn  í morgun sjást greinilega brotlínur á upptakastöðum flóðanna í allt að 1200 metra hæð.  Svæðið sem flóðið  kom frá er um 4-5 ferkílómetrar.
Aska þarf að innihalda um 20 % - 30% vatn til  að aurflóð geti myndast en mikil rigning hefur verið á þessu svæði síðustu stundirnar.   Hliðstæðir atburðir geta átt sér stað á öðrum vatnasvæðum jökulsins. 
Vinna er hafin við að styrkja varnargarðana við Þorvaldseyri.

 

Til baka

Skúlagata 21 | 101 Reykjavík | S:444 2500 | Fax: 562 2665 |
Netfang:almannavarnir[hja]rls.is